5 kernfeite wat jy van beesbrusellose

5 kernfeite wat jy van beesbrusellose
(Besmetlike misgeboorte – BM) behoort te weet

  1. Dit is ‘n kuddesiekte! Die siekte bedreig die volhoubaarheid van veekuddes in Suid-Afrika. As een dier in jou kudde positief toets vir brusellose, word die hele kudde as positief beskou en onder kwarantyn geplaas. Dit is omdat die siekte wat deur die bakterie Brusellose veroorsaak word, kronies (lang termyn) van natuur is en kliniese tekens lank vat te manifisteer. Diere wat die eerste keer negatief toets, kan dikwels positief toets op ‘n volgende rondte toetse. Daar is geen behandeling vir die siekte nie en alle gevalle moet aan die Staat Veterinêre Dienste gerapporteer word omdat dit ‘n gekontroleerde siekte is.
  2. Die siekte affekteer jou beursie! Beeste wat besmet is mag abborteer, wat beteken dat jy potensiële gesonde kalwers en produksie verloor. Kalfintervalle is dikwels verleng, wat beteken dat minder kalwers per koei per jaar gebore word. Melkproduksie verminder, wat beteken dat daar minder melk verkoop word (melkerye), of vir kalwers beskikbaar is (vleisbeeste). Tydens kalwing en aborsies word miljoene  Brucella bakterieë in die omgewing vrygestel wat ander diere kan aansteek.
  3. Jy kan ‘n ramp inkoop! Dring daarop aan om slegs diere wat van kuddes af kom wat die afgelope jaar negatief vir brusellose getoets het. Eis bewys van die toetsuitslae. Ideaalgesproke moet alle nuut aangekoopte diere eers onder kwarantyn geplaas word voordat hulle met die res van die kudde meng. Moenie die oorsaak van jou eie toekomstige probleme wees nie.
  4. 4.Mense kan siek word! Brucella bakterieë kan mense ook besmet en koors, griepsimptome en kroniese siekte veroorsaak. Mense kan besmet word deur te help met besmette kalwings, die hantering van besmette plasenta of aborsies, die drink van ongepasteuriseerde melk van besmette diere en deur  besmette diere tuis te slag. Mans en vroue se vrugbaarheid kan aangetas word.
  5. Inenting is ‘n vereiste! Die Dieresiekte Wet, 1984 (Wet Nr. 35 van 1984) bepaal dat alle verskalwers tussen die ouderdom 4-8 maande ingeënt moet word met ‘n effektiewe, geregistreerde middel (S19 vanaf OBP of RB51 vanaf MSD). Dit versterk ‘n koei se immuunreaksie teen die siekte en help om jou kudde en belegging te beskerm.

Published on Sun, 13th Aug 2017 - 18:44

Recent Posts

12 Junie 2019

Die tweejaarlikse Grootkuddekonferensie het onlangs in Port Elizabeth plaasgevind en is deur die meeste mense in die 20 jarige bestaan van die Konferensie bygewoon. Dr Chris
Read More

23 Mei 2019

Tydens ’n televisie-onderhoud op Grootplaas het Barbara Bieldt vertel hoekom dit vir die MPO belangrik is om saam met meer as 70 lande wêreldwyd dié dag
Read More

23 Mei 2019

Die Melkprodusente-Organisasie het hulle Rentmeesterskaptoekennings vir 2019 afgeskop met ‘n beroep aan rolspelers in die suiwelbedryf om melkboere te nomineer vir die kompetisie. Barbara Bieldt van
Read More

25 April 2019

Die opleiding van werkers is ’n belangrike aspek van enige boerdery wat dikwels agterweë gelaat word. Corlia Oberholzer, MPO opleidingsbestuurder, het in ’n televisie-onderhoud op Grootplaas
Read More