Beoordelaars Charl du Plessis en Allan Fourie saam met hoofbeoordelaar Kobus Mulder.

Skryf in vir SA Suiwelkampioenskappe

Suiwelprodusente word genooi om in te skryf vir die 2018 Suid-Afrikaanse Suiwelkampioenskappe, die grootste, oudste en mees gesogte suiwelgebeurtenis in die land.

Dié kampioenskappe word sedert 1834 deur Kaap die Goeie Hoop Landbougenootskap, nou Agri-Expo, aangebied. Volgens Johan Ehlers, Hoof Uitvoerende Beampte van Agri-Expo, is die uitsluitlike doel van die kampioenskap, wat vanjaar sy 185ste bestaansjaar vier, om uitnemendheid in die suiwelbedryf te bevorder. “Ons is trots daarop om die enigste kampioenskap aan te bied wat alle suiwelprodukte in Suid-Afrika betrek. Die kampioenskap het die maatstaf geword waarvolgens produsente hulself teen mekaar meet. Die Qualité-merk word ook deur die bedryf erken as die enigste merk van gehalte vir suiwelprodukte in Suid-Afrika,” sê Ehlers.

Die kampioenskap bestaan uit nege kategorieë en 102 klasse vir eindprodukte in die prosesseringslyn van die suiwelbedryf. In 2017 is 854 produkte deur 83 suiwelvervaardigers ingeskryf. Wenprodukte word tydens die Qualité-dinee as SA Kampioene bekroon, terwyl produkte van besonderse hoë kwaliteit die Qualité-merk van gehalte ontvang. Ná die eerste rondte beoordeling deur meer as 70 beoordelaars wys ‘n paneel van vyf kundiges die Produk van die Jaar aan. Parmalat se 10-maande verouderde Gouda het in 2017 dié titel verower.
Inskrywings vir die 2018-kampioenskappe open op 4 Januarie 2018 op die webwerf www.cheesesa.co.za. Die sluitingsdatum vir inskrywings is 1 Februarie 2018. Die beoordeling vind op 22 Februarie 2018 plaas en die Qualité-dinee word op 23 Maart 2018 by Grand West in Kaapstad aangebied.

Agri-Expo, ‘n nie-winsgewende landbougenootskap, bevorder die beeld van landbou deur bemarkingsinisiatiewe soos ekspo’s, waaronder die Suid-Afrikaanse Kaasfees en Agri-Expo Livestock. Vir meer inligting, besoek www.agriexpo.co.za, volg Agri-Expo op Facebook of Twitter, of kontak Agri-Expo by 021 975 4440 of cheese@agriexpo.co.za .

 

Die beoordelaars Mario Jumat, Karla Steyl, Elna Fourie en Vernon Manual is vier voormalige leerlingkaasmakers wat opleiding in Frankryk ontvang het as deel van ‘n inisiatief wat gesamentlik deur Agri-Expo, die Wes Kaapse Departement Landbou en die streeksregering van Boergondië aangebied is.

 

Beoordelaars Charl du Plessis en Allan Fourie saam met hoofbeoordelaar Kobus Mulder.

Published on Wed, 1st Nov 2017 - 16:45

Recent Posts

12 Junie 2019

Die tweejaarlikse Grootkuddekonferensie het onlangs in Port Elizabeth plaasgevind en is deur die meeste mense in die 20 jarige bestaan van die Konferensie bygewoon. Dr Chris
Read More

23 Mei 2019

Tydens ’n televisie-onderhoud op Grootplaas het Barbara Bieldt vertel hoekom dit vir die MPO belangrik is om saam met meer as 70 lande wêreldwyd dié dag
Read More

23 Mei 2019

Die Melkprodusente-Organisasie het hulle Rentmeesterskaptoekennings vir 2019 afgeskop met ‘n beroep aan rolspelers in die suiwelbedryf om melkboere te nomineer vir die kompetisie. Barbara Bieldt van
Read More

25 April 2019

Die opleiding van werkers is ’n belangrike aspek van enige boerdery wat dikwels agterweë gelaat word. Corlia Oberholzer, MPO opleidingsbestuurder, het in ’n televisie-onderhoud op Grootplaas
Read More