VERANDERING IN VOERKOSTE-REGIME HIER OM TE BLY?

 

MPO-AANWYSER 2/11 FEBRUARIE 2021

Die omvang van die verhoging in die prys van geelmielies en sojabone veroorsaak dat die produsenteprys van onverwerkte melk uiters lewendig is.

Die gemiddelde produsenteprys van onverwerkte melk in Januarie 2021 word geraam op R5,37/ℓ, teenoor R5,19/ℓ in Desember 2020. In figuur 1 hieronder word die tendens en vlakke van voerkoste geraam vir die jaar 2021 met gebruikmaking van die Johannesburgse Effektebeurs (JSE) se Kommoditeitsmarkte, Mark-to-market– (MTM-) pryse soos op 9 Februarie 2021, vir kontrakte van Februarie 2021 tot Desember 2021, vir geelmielies en sojabone.

Hierdie pryse is wisselvallig, verander voortdurend, en word onder meer beïnvloed deur ontwikkelings in die energiemark en die waarde van die rand. Dit illustreer egter die huidige sentiment van rolspelers regoor die internasionale mark, en weerspieël vraag en aanbod in die komende maande. Die huidige aandrywer van die hoër geelmielie- en sojapryse op die Chicago Mercantile Exchange (CME), voorheen bekend as Chicago Board of Trade (CBOT), word toegeskryf aan die onverwagte hoër vraag uit China. Hierdie ontwikkelings vloei ook deur ons graanmark, en weerspieël die hoër pryse ten spyte van tekens van ’n goeie graanoes in Suid-Afrika.

Figuur 1 Voerkoste (70% geelmielies en 30% soja)

Die invloed van die hoër pryse vir die geformuleerde voer plaas afwaartse druk op winsgewendheid op plaasvlak. Die kostevoordeel van die gebruik van voerkonsentraat is papierdun tot geen voordeel nie. Dit word in die figuur hieronder geïllustreer. Selfs die gesimuleerde prys van onverwerkte melk van R6,00/ℓ bereik nie eers ’n verhouding van 1,3:1 nie.

Figuur 2 Onverwerkte-melk-prys tot voerprys (70% geelmielies en 30% soja)

In hierdie omstandighede is dinamiese en objektiewe kommunikasie tussen melkprodusente en melkverwerkers uiters belangrik om ’n gebalanseerde vraag-en-aanbod-markresultaat te verkry.

Bertus van Heerden, hoof-ekonoom, Melkprodusente-organisasie (MPO)

Laai die MPO Aanwyser 2 van 11 Feb 2021 hier af 

Published on Fri, 12th Feb 2021 - 12:25

Recent Posts

10 facts about the 2021 SA Dairy Championships

  The annual South African Dairy Championships is the biggest, oldest and most prestigious dairy event in the country. The purpose of the championships is to
Read More

JOINT PRESS RELEASE: Agricultural sector starts process against minimum wage for farmworkers

  A group of roleplayers from the agricultural value chain gathered to discuss the minimum wage of farmworkers, effective 1 March 2021. The department of labour
Read More

VERANDERING IN VOERKOSTE-REGIME HIER OM TE BLY?

  MPO-AANWYSER 2/11 FEBRUARIE 2021 Die omvang van die verhoging in die prys van geelmielies en sojabone veroorsaak dat die produsenteprys van onverwerkte melk uiters lewendig
Read More

NEW FEED COST REGIME CHANGE HERE TO STAY?

  MPO POINTER 2/11 FEBRUARY 2021 The magnitude of the increase in the prices of yellow maize and soya beans leaves the producer price of unprocessed
Read More

disclaimer