Voëlgriep is in SA

Die hoogs aansteeklike siekte vir hoenders, naamlik voëlgriep, of dan avian influenza, is vir die eerste keer in SA. Dit is op twee plase gevind en die vermoede is dat dit deur watervoëls ingedra is. Pluimveeboere moet op die uitkyk wees hiervoor, want dit kan groot skade veroorsaak en jou hele boerdery verwoes.

Bonsmara-telers betree ‘n nuwe era van tegnologie met genomiese teelwaardes. Lees meer hieronder hieroor.

Indien jy as boer ‘n vragmotor wil koop, kyk gerus na Hino vir ‘n lang dienstyd. ProAgri het hierdie week berig oor ‘n Hino met 2,3-miljoen kilometer op die klok, wat steeds fluks in die tuig draf. Die vragmotor het ook nie eers baie herstelwerk of vervangings nodig gehad nie.

Daar word verwag dat brandstofpryse volgende week skerp kan daal, wat boere en verbruikers baie bly maak.

In die bakkieverkoopwedloop is Ford tans ‘n kortkoppie voor. Die Ford Ranger het in Mei vir die derde maand in ‘n ry aan die voorpunt van die topverkoperlys gestaan.

Nog nuus in die landbou:

  • Kaap Agri is gelys op die JSE.
  • Syngenta het ‘n transaksie met ChemChina aangegaan.
  • Die UP help met wêreldnavorsing oor bakteriese siektes
  • En indien jy die vakansie oorsee reis –onthou SA se invoerregulasies sodat jy nie teleurgestel word as jy jou geskenk wat jy anderkant die water gekoop het daar moet los nie.

Ons jongste uitgawe is vol lekkerleesstories oor van die topmaatskappye wat by NAMPO was. Kry dit hier: http://www.proagri.co.za/proagri-208-junie-2017/

Published on Tuesday, 27th June 2017 - 23:44