INTERNASIONALE SUIWELPRODUKPRYSE IN VSA DOLLAR TERME BEHAAL STEWIGE GROEI IN DIE LAASTE SES MAANDE VAN 2021 EN GROEI SELFS NOG MEER AGRESSIEF IN RANDTERME

MPO AAWYSER 1/4 Januarie 2022

Drie van die mees internasionaal-verhandelde suiwelprodukte het stewige groei in pryse behaal in die laaste ses maande van 2021. Botter verhoog met 29%, afgeroomde melkpoeier (AMP) met 15% en Cheddar met 24%. Volroommelkpoeier (VMP) beweeg hoofsaaklik sywaarts. Die hoofdrywer agter die verhoogde pryse is beperkte uitvoervoorraad.

Figuur 1 Internasionale suiwelprodukpryse (vry-aan-boord) Jan 2011–Des 2021

(Bron: VSA Departement Landbou)

In figuur 2 word die internasionale suiwelprodukpryse aangetoon in randterme. Drie van die vier produkte se pryse is op die hoogste vlakke van die afgelope 10 jaar, terwyl VMP op die tweede hoogste vlak is. In die laaste ses maande van 2021 het die rand met nege persent gedepresieer teen die VSA$ en die gekombineerde effek van die swakker rand en die verhoogde internasionale suiwelpryse het die randpryse van suiwelprodukte aangevuur tot die hoogste vlakke nog; botter verhoog met 40%, AMP met 25%, Cheddar met 35% en VRM met 10%.

Figuur 2 Internasionale suiwelprodukpryse (vry-aan-boord) Jan 2011–Des 2021

(Bron: VSA Departement Landbou, JEB Finansiële markte)

Die situasie in die internasionale suiwelmark word bevestig deur verhandelings wat op die Global Dairy Trade Index plaasgevind het. Die tendens oor die laaste ses maande van 2021 is soortgelyk aan die tendens in figuur 1.

Figuur 3 Global Dairy Trade index

(Bron: Global Dairy Trade Events)

Bertus van Heerden, hoofekonoom, Melkprodusente-organisasie (MPO)

Laai die MPO Aanwyser 1 van 4 Jan 2022 hier af in PDF-formaat