Wêreld-melkdag 1 Junie 2019 – Klink ’n glasie op melk!

Die Melkprodusente-organisasie neem weer vanjaar saam met meer as 70 lande deel aan die Wêreld-melkdagvieringe – #worldmilkday / #enjoydairy met die slagspreuk Melk: ’n simfonie van voedingstowwe in elke druppel!

1.  Wêreld-melkdag word beskou as ’n hoogtepunt op die MPO se kalender. Waarom is dit so belangrik om die dag te vier?

Die suiwelbedryf speel ’n baie belangrike rol in Suid-Afrika se ekonomie en lewer ’n aansienlike bydrae tot die land se voedselsekuriteit. Die MPO gee tydens die Wêreld-melkdagvieringe erkenning aan ons melkboere en die veelsydige, heilsame produk wat hulle produseer.

2.  Wat doen die MPO alles vanjaar om ’n glasie te klink op melk?

i. ’n Mediaveldtog word geloods om bewustheid te skep van die veelsydigheid van suiwel.

ii. Groepe skoolkinders bring twee besoeke aan Willow Valley Dairy in Rayton waar hulle vertel en gewys word waar melk vandaan kom. Hulle kry die geleentheid om nader kennis te maak met kalfies en koeie, en besoek die melkstal waar hulle sien hoe die koeie gemelk word. Opvoedkundige materiaal deur Melk SA se Verbruikersopvoedingsprojek word aan onderwysers en leerlinge voorsien.

iii. Die MPO bevorder melk as die beste keuse vir ’n sportdrankie in samewerking met Melk SA se Verbruikersopvoedingsprojek by Crossfit Radium in Centurion. Melk van Clover en gegeurde melk van Woodlands gaan aan elke moeë crossfitter uitgedeel word by die middagklasse.

iv. Op 1 Junie besoek ons die Irene Atletiekklub tydens hulle voor-Comrades-marathon-funksie om die atlete te vertel hoe voordelig melk voor en na wedlope is. Elke Comrades-deelnemer kry ’n Woodlands sjokolademelkie in hulle goodie bags wat saamgaan marathon toe.

3.  Hoekom is melk so ’n goeie sportdrankie?

Melk is ’n ongelooflike goeie bron van energie – dis ’n kragtige brandstof, dit dra by tot vinniger herstel van sportbeseringsen help met die bou van spiere. Die elektroliete en koolhidrate in melk maak daarvan die ideale hersteldrankie ná ’n intensiewe oefensessies.

4.  Hoe kan die res van ons Wêreld-melkdag vier?

Die waarde van melk en melkprodukte as deel van ’n gesonde leefstyl word wêreldwyd gevier deur verskeie aktiwiteite. Doen gerus mee!

  • Drink melkskommels, cappuccino’s en smoothies en eet joghurt – neem foto’s en video’s terwyl jy dit geniet en deel dit op sosiale media – #worldmilkday op 1 Junie
  • Berei ’n spesiale ete voor met net suiwelprodukte op die spyskaart
  • Skenk suiwelprodukte aan welsynsorganisasies
  • Besoek ’n melkplaas
  • Neem foto’s van melkkoeie en kalfies en deel dit op sosiale media – #worldmilkday op 1 Junie

Drink saam met die MPO ’n heildronk op melk op 1 Junie!
Navrae: Barbara Bieldt, barbara@mpo.co.za / 083 235 2629

Published on Tue, 28th May 2019 - 14:00

Recent Posts

JOINT STATEMENT OF THE DEPARTMENT OF AGRICULTURE, LAND REFORM, AND RURAL DEVELOPMENT AND THE LIVESTOCK INDUSTRY

  Progress: Foot-and-Mouth Disease Outbreak – MOLEMOLE DISTRICT On 1 November 2019, veterinary services were alerted to clinical signs suspected to be Foot and Mouth Disease
Read More

Dairy farmers need to plan to grow unprocessed milk production by less than 2% per year

MPO pointer 5/2019 (12 Nov 2019) This is obviously easier said than done, but ultimately that is the only way in which businesses at the beginning
Read More

Agri SA is proud of its Young Farmer of the Year

  Agri SA congratulated Johan van der Schyff who last night was named Toyota SA/Agri SA’s Young Farmer of the Year for 2019. An egg producer
Read More

POSITIVE FOOT-AND-MOUTH DISEASE RESULTS IN THE MOLEMOLE DISTRICT OF LIMPOPO

On 1 November 2019, veterinary services were alerted to clinical signs of foot-and-mouth disease (FMD) in a herd of cattle on a farm in the Molemole
Read More