World Milk Day 2018 – Feedback (Afrikaans)

20 Junie 2018
Vir onmiddellike vrystelling

Persvrystelling uitgereik deur dr. Chris van Dijk, uitvoerende hoof van die Melkprodusente-organisasie (MPO).

Klink ’n glasie op melk

Wêreldmelkdag is in 2001 geïnisieer deur die Verenigde Nasies se Voedsel- en Landbou-organisasie (FAO), wat die verbruik van melk en suiwel aktief bevorder as deel van ’n daaglikse dieet. Alle aspekte van melk word in baie lande regoor die wêreld gevier, en die aantal lande en die aktiwiteite neem jaarliks toe.

Tot dusver is ’n totaal van 586 geleenthede reeds op die amptelike Wêreldmelkdag-webwerf opgeteken as deel van die 2018 vierings – sien https://worldmilkday.org/.

In aansluiting by die wêreldwye vierings het die MPO met Melk SA se Verbruikeropvoedingsprojek (CEP) saamgewerk om melk te bevorder as voorkeur-sportdrankie. Sportmanne en -vroue regoor die wêreld maak toenemend gebruik van melk en suiwelprodukte as brandstof, vir vinniger herstel van beserings, om by te dra tot spierbou, en as ’n hersteldrankie ná intensiewe oefensessies.

Crossfit-beoefenaars by Crossfit Radium in Centurion het die eienskappe van melk gevier deur op 31 Mei blou en wit hemde na hul oefensessies te dra, en elke atleet het agterna 500 ml volroommelk van Clover ontvang. Christine Leighton en Maretha Vermaak van Melk SA se CEP was byderhand om vrae te beantwoord oor die veelsydigheid van suiwelprodukte en die uitnemende redes waarom atlete hulle tot suiwelprodukte behoort te wend.

Die MPO-personeel het Wêreldmelkdag op 1 Junie gevier met ’n besoek aan die welbekende pryswenner-kaasmakery Belnori Boutique Cheesery by Bapsfontein. Die eienaars, Norman en Rina Belcher, het die personeel op ’n toer deur die plaas en kaasmakery geneem om kennis te maak met die kaasmaakproses. Die span se kennis van melk en kaas is op die proef gestel in ’n blinde proetoets van verskillende tipes melk en kaas.

Die personeel was verras om agter te kom hoe eenvoudig dit is om suiwelprodukte te maak toe hulle die kans gekry het om hul eie ricotta en paneer te maak. Die grootste toets van die spanne se vaardighede was toe elke span hul eie kaasbord moes saamstel deur gebruik te maak van die verskeidenheid kase en aanvullende produkte wat deur die Belchers verskaf is. Hierdie leersame dag is afgesluit met die personeel wat rondom hul kaasborde feesgevier het.

Skoolkinders was ook betrokke by vanjaar se vierings. Op Dinsdag 12 Junie het die MPO KZN ’n baie geslaagde geleentheid by die Northern Park Primêre Skool in Pietermaritzburg gehou.

Melkboer Colin Wellbeloved het vir die leerders vertel waar melk vandaan kom en waarom kinders daagliks suiwelprodukte nodig het om gesond, aktief en slim te wees. Die hoogtepunt van die oggend was toe elke leerder ’n handige sakkie volroom- UHT-melk ontvang het wat deur Orange Grove Dairy geskenk is.

Die waarde van melk en melkprodukte as deel van ’n gesonde leefstyl is wêreldwyd gevier deur aktiwiteite soos:

  • spesiale etes met slegs suiwelprodukte op die spyskaart;
  • skenkings van suiwelprodukte aan welsynsorganisasies;
  • foto’s en video’s wat op 1 Junie op sosiale media gedeel is van mense wat suiwelprodukte geniet;
  • besoeke aan melkplase;
  • foto’s van fotogeniese melkkoeie en kalfies; en
  • sportgeleenthede soos marathons waar die rol van melk as ’n sportdrankie beklemtoon is.

Kry ʼn kykie in al die feestelike aktiwiteite en foto’s op sosialemedia-kanale deur #WorldMilkDay te gebruik.

Vir meer inligting kan Barbara Bieldt gekontak word by 083 235 2629.

 

EINDE

Published on Wed, 20th Jun 2018 - 14:00

Recent Posts

JOINT STATEMENT OF THE DEPARTMENT OF AGRICULTURE, LAND REFORM, AND RURAL DEVELOPMENT AND THE FMD TECHNICAL TASK TEAM ON THE FOOT-AND-MOUTH DISEASE OUTBREAK LIMPOPO

Media Statement No further cases of foot-and-mouth disease (FMD) were reported in the past week, but livestock owners and the general public should remain vigilant for
Read More

Regional Member Manager position available at the MPO Western Cape region

    Read the full Regional Member Manager job description below. Closing date for applications is 17 January 2020. For more information contact Philip Swart at
Read More

What do cattle with foot-and-mouth disease look like?

What should I do if I suspect that my cattle have foot-and-mouth disease? Source: Vra Dok Faffa Answer: If cattle are suspected of having foot-and-mouth disease,
Read More

Hoe lyk ‘n bees wat bek-en-klouseer het?

Wat moet ek doen as ek vermoed dat ‘n bees bek-en-klouseer het? bron: Vra dok Faffa Antwoord: As daar vermoed word dat ‘n bees bek-en-klouseer het,
Read More